રાખડી

આવ્યો છે આવ્યો છે તહેવાર આવ્યો છે

ભાઈ બહેનના સ્નેહનો પ્રસંગ આવ્યો છે,

યાદ આવે બહેનને ભાઈની બાળપણની વાત

રક્ષાબંધન પ્રસંગે એ પ્રસંગ યાદ આવ્યો છે,

ભાઈ બહેનના સ્નેહની ગાંઠ મજબૂત બને

રાખડી બાંધવાનો તહેવાર આવ્યો છે,

કંકુ ચોખા મીઠાઈ સાથે, બહેન આવી છે ભાઈના ઘરે

લાગણીશીલ બનવાનો ઉત્સવ આવ્યો છે,

આવ્યો છે આવ્યો છે, તહેવાર આવ્યો છે

ભાઈ બહેનના સ્નેહનો પ્રસંગ આવ્યો છે,

ભાઈને ગમતી રંગબેરંગી રાખડી લાવી છે

બહેનના પ્રેમનો સુંદર પ્રસંગ આવ્યો છે.