રાજ ચકા-ચકીનું લાવો પાછું

રાજ ચકા-ચકીનું લાવો પાછું…

નાનું અમથું , ઘર આંગણાનું , 

ચકલો- ચકલી બાળ વાર્તાનું , 

ચીં ચીં કરતું , સૌને  મનગમતું , દોસ્તીલું  હું પંખી(૨)

પાકે પાકને  ચણ દે કુદરત, કીટક જંતુથી હું દઉં આરક્ષણ

દઉં સાદ , બાળપણના ભેરુ , માંગો કલશોર હક- ધણ આંગણ

તપે ઉનાળો, ખોળું પાણી,  વૃક્ષ કપાણાં ને નિવાસ લૂંટાણાં

ગમે વસ્તી ને દોસ્તી તમારી, કેમ ભૂલ્યા  ચકીનાં ખીચડી ગાણાં(૨)

રાજ ચકા- ચકીનું લાવો પાછું, નિર્દોષ મંગલ એ જ ધરોહર

બાળા રાજા કાજ રે વાવો વૃક્ષો , લટકાવો પંખી ઘર , હવે ઘર ઘર… 

બચાવો ધરોહર …જાગો ઘર ઘર.

રમેશ પટેલ(આકાશદીપ)