પુસ્તક જેવો છું હું

પુસ્તક જેવો છું હું, હા જૂનો જરૂર થયો છું,

પાનાં પીળા થયાં પણ અક્ષરો હજી છે કાળા !

તું બસ પાનાં પલટતી રહે હું તને એવોજ લાગીશ,

પાત્ર મુજબ બદલતો વાઘાં નટ, પણ કલાકાર એજ !

મુખપૃષ્ઠ તો પુસ્તકનું હજી એજ છે ચાંદમાં દેખાય તું,

હા, પાનાં નવાં જરૂર છે ઉમેરાયા પણ લિપિ હજી એજ !

સરનેમ તારી શું બદલાઈ તારું તો સરનામું જ બદલાયું,

ભૂલાયું મારું હોય તો મળશે પાછલાં આવરણ પર એજ !

લાગશે તને નવી બોટલમાં એજ જૂની શરાબનો નશો,

પણ તું તો સમજે છેને, શરાબ જેટલી જૂની એટલી મૉંઘી !