પુરુષ
પુરુષ
નિભાવે એ કૌટુંબિક જવાબદારી,
તો પણ એ સૂડી વચ્ચે સોપારી,
ચિંતા સંતાનોનાં ભણતર કેરી
સંતાનોને લાગે એ વેરી,
મા-બાપનાં ઘડપણે ટેકણલાકડી,
ભાઈ-બેનોનો માટે બને છાંયડી,
બળબળે એ કુટુંબ કલેશે,
મા-બાપને પત્ની એને પીસે,
બનતો ન્યાયાધીશ એ અળખામણો,
જીવનસંસાર લાગે છેતરામણો,
ખુદનાં શોખને કરે અલવિદા,
પરિવારજનો ના ઓળંગો મર્યાદા,
થાકી હારીને એ જ્યારે ડગમગતો,
હળવા થવાં શોધે મિત્રનો ખભો.