પતંગિયું

મારા બાગમાં ભમતું આ રંગબેરંગી પતંગિયું.

મારો દિવસ રંગીન બનાવતું આ પતંગિયું

જાણે કુદરતે આખીયે કારીગરી

જાણે એની પાંખમાં ઉતારી

આ ફૂલ થી પેલા ફૂલ અને આ ઝાડથી

પેલા ઝાડ ભમતું આ પતંગિયું

ઉત્સાહ અને ઉમંગનો ધોધ આ પતંગિયું

રંગોની પૂરી સૃષ્ટિ આ પતંગિયું

સ્પર્શ કરનારને પણ રંગોનું દાન કરતું આ પતંગિયું

દીપકના પ્રેમમાં ફના થઈ દુનિયાને

પ્રેમ નો સંદેશ આપતું આ પતંગિયું

જો ને મન પણ આ પતંગિયા જેવું

અહી તહી ઉડા ઉડ કરે

પાંખો જેવા રંગ બેરંગી શમણાં મારા

પતંગિયા ની જેમ, ઘડીક આ શમણુંતો,

ઘડીક પેલું શમણું, જોતું મારું આ ચંચળ મન.

જીવનમાં ક્યાંય સ્થિરતા

ના રહેવા દેતું મારું ચંચળ મન

આ દીપકની જ્યોત માટે પોતાનું

અસ્તિત્વ પણ ફના કરતું આ પતંગિયું

જો ને માનવ જાત પણ ભૂલી પોતાનો ધ્યેય

આ આભાસી જિંદગીની મોહ માયામાં

જિંદગી વેડફી નાખતો આ માનવી

પોતાના અસલ ધ્યેયને ભૂલતો આ માનવી

પતંગિયા જેવું ક્ષણ ભંગુર છે આ જીવન તોયે

કાયમી વસવાટ હોય એમ ભેગુ કરતો માનવી