પ્રયત્ન

મસ્ત છે ને મસ્ત જ રહે, તું દુઃખોનું પોટલું સાથે લઈ ચાલવાની કોશિશ ન કર,

ફૂલ-કાંટા સાથે જ હશે, તું કાંટાને અવગણી ફૂલોને માણવાની આદતને હસ્ત કર.

ઉતાર-ચડાવ તો જીવનનો જરૂરી હિસ્સો છે, તું એનું ધ્યાન ન કર,

મદદ મળી રહેશે, યોગ્ય રીતે, હાથને તારા લાંબો તો જરા કર.

અગાધ ઊંડાણ, દુર્ગમ પહાડ, ચંદ્ર કે પછી મંગળ, તું જ વિચાર કર,

શું નથી માનવની પહોંચમાં, જ્યાં સુધી ન મળે, તું પ્રયત્નો કર્યા તો કર.

કીડી, કરોળિયો, કાચબો કે કોઈપણ જીવ કોઈનાથી તું તારી સરખામણી જો કર,

બધાથી સારો જન્મ મળ્યો છે, બસ એકવાર તું એને સાબિત કર. 

પડ્યું છે જ 'નિપુર્ણ' તારી અંદર, બસ તું એની શોધ તો નિરંતર કર,

મંઝિલ તારી રાહમાં ક્યારની ઊભી જ છે, તું પ્રયત્ન તો પુરા કર.