પર્યાવરણ

જીવનનો ધબકાર છે પર્યાવરણ

પ્રકૃતિનો શણગાર છે પર્યાવરણ

ના કર, આડેધડ પ્રહાર, ઓ માનવ

ગીતા રૂપી સાર છે પર્યાવરણ

કર્યા દૂષિત ધરતી, નભ ને જળ, વાયુ

માનવજાતથી લાચાર છે પર્યાવરણ

કર્યો વિનાશ વન, ઉપવનોનો નિજ સ્વાર્થે

સૃષ્ટિ સમગ્રની આ હાર છે પર્યાવરણ

આવરણ એનાં એક-એક ભેદી રહ્યો માનવ

વિનાશ માટે રહેજે તું તૈયાર, છે પર્યાવરણ

જતન કરીએ જીવની જેમ, દૂષિત થતાં બચાવીએ

પ્રકૃતિની તેજ આ રફતાર છે પર્યાવરણ,

થોભી જા માનવ, કર દરકાર આ પર્યાવરણ

સમગ્ર જીવસૃષ્ટિનો આધાર છે પર્યાવરણ.