પ્રવૃત્તિ કરીએ

બાળક થકી ભવિષ્ય બનશે સુંદર,

બાળક છે પ્રવૃતિનો અખંડ ભંડાર,

બાળકને ખિલવવા પ્રવૃત્તિ અવનવી કરીએ !

બાળકમાં રહેલી સર્જનાત્મતા અપાર,

પ્રવૃત્તિ કરવા પ્રેરીએ વારંવાર,

બાળકને ખિલવવા પ્રવૃત્તિ અવનવી કરીએ !

ગિલ્લી દડો અને પકડાપકડી,

બાળક રમશે સૌ દોડાદોડી,

બાળકને ખિલવવા પ્રવૃત્તિ અવનવી કરીએ !

કાગળ કાપીને કરી હોડી હોડી,

રમતમાં ભાગ લઈએ દોડી દોડી,

બાળકને ખિલવવા પ્રવૃત્તિ અવનવી કરીએ !

આકાશે ટમટમતા તારલા ગણીએ,

રમતા રમતા એકડા ભણીએ,

બાળકને ખિલવવા પ્રવૃત્તિ અવનવી કરીએ !

બાળવાર્તા સંગ બાળગીત માણીએ,

ચિત્ર દોરી કલ્પનાશક્તિ ખીલવીએ,

બાળકને ખિલવવા પ્રવૃત્તિ અવનવી કરીએ !

આંગણે પડેલી ધૂળની કરીએ દોસ્તી

મિત્રો સંગ કરીએ હળીમળી મસ્તી

બાળકને ખિલવવા પ્રવૃત્તિ અવનવી કરીએ !