પરીક્ષા.

જાણમાં કે જાણબહાર થાય છે પરીક્ષા.

ડગલેને પગલે જીવનમાં થાય છે પરીક્ષા.

વયભેદ નથી નડતો એને કસોટી કરવામાં,

સાચાં કે ખોટાં સૌની દેખાય છે પરીક્ષા.

શંકા એ માનવનો જન્મજાત સ્વભાવ છે,

સામાધાન મેળવવાને લેવાય છે પરીક્ષા.

ક્યારેક સંજોગો તો ક્યારેક વ્યક્તિ હોય,

પાર ઉતરનારને પછી સમજાય છે પરીક્ષા.

વિશ્વાસના અભાવે આ રીત જન્મી હશે,

કામિયાબના મુખ થકી વખણાય છે પરીક્ષા.

નિષ્ફળ જનારને નિરાશા સાંપડતી કદી,

છે સારી રીત ખોટીથી વગોવાય છે પરીક્ષા.

ચૈતન્ય જોષી પોરબંદર.