પરીક્ષા જીવનસફરની

ડગલેને પગલે થાય છે પરીક્ષા જીવન સફરની,

નથી એ પરીક્ષા તણી અપેક્ષા જીવન સફરની.

સમાંતર જીવનની સંકલ્પના સૌની રહી અહીં,

પ્રત્યેક મનુજની હોતી નથી કક્ષા જીવન સફરની.

શૃંગગર્તવત્ મુસાફરી વ્યથાને વધારનારી બનતી,

મનોબળ થકી કરવાની હોય રક્ષા જીવન સફરની.

મુસીબતને પડકારનારા મંઝિલને પામી જનારાને,

બાકી, વિજયની કરતા પ્રતિક્ષા જીવન સફરની.

માટીપગા હારી હિંમત સફળતાથી દૂર રહેનારા,

વારેવારે કરતા હો કર્મપથની ઉપેક્ષા જીવન સફરની.