પ્રેમની એ અદ્ભૂત ક્ષણોને

પ્રેમની એ ક્ષણોને દિલના શહેરમાં વસાવી લીધી,

એને આનંદ ઉલ્લાસના ખજાનાની ચાવી મે બનાવી દીધી,

પ્રેમની એ સુખદ પળોને હૈયાના કેમેરામાં કેદ કરી લીધી,

જીવવા માટેની એને મે ઉમેદ કરી લીધી,

પ્રેમની એ ક્ષણોને હૈયાની સંદુકમા સંતાડી દીધી,

આમ હતાશાને ઉદાસીને મે દૂર ભગાડી દીધી,

પ્રેમની એ ક્ષણોને હૈયાના બાગમાં રોપી દીધી,

જીવનની તમામ ડોર મે એના હાથમાં સોંપી દીધી,

પ્રેમની એ અદ્ભૂત ક્ષણોને દિલના દરિયામાં વહાવી દીધી,

પ્રીત એની મે મારી આંખોમાં સમાવી લીધી,

પ્રેમની એ અદ્ભૂત ક્ષણોને મે જિંદગી બનાવી લીધી,

બસ નામ એનું સ્મરી મે બંદગી કરી લીધી,

પ્રેમની એ અદ્ભૂત ક્ષણોને હૈયાની કિતાબમાં લખી લીધી,

આમ જિંદગી આખી મે એના નામે લખી દીધી.