ફૂલની જેમ મહેકતી જાઉં છું

તારા અગાધ પ્રેમમાં હું ડૂબતી જાઉં છું.

અલબેલી સરિતાની જેમ હું વહેતી જાઉં છું.

મળ્યો તારો પવિત્ર પ્રેમ એવો મને !

જોને હું ફૂલની જેમ મહેકતી જાઉં છું !

કોણ જાણે કેવો જાદુ છે આ તારા પ્રેમમાં !

બસ પાગલ બની તારી પાછળ ભાગતી જાઉં છું.

તારા પ્રેમમાં હું હું મટી ને જાણે તું બની ગઈ !

મારા રોમે રોમમાં હું તને સમાવતી જાઉં છું.

મારા અસ્તિત્વને તો જાણે સાવ ભૂલી ગઈ,

બસ હું તો તારા જ રંગે રંગાતી જાઉં છું.

કેમ શોધું હું મને ? હું ખોવાઈ ગઈ કેવી તારામાં !

બસ મારી જાતમાં તને હું વસાવતી જાઉં છું.

તને યાદ કરવામાં ઈશ્વરને હું ભૂલી ગઈ,

તારા પ્રેમમાં ખુદાને હું પામતી જાઉં છું.