પહેલા કહી દઉં
પહેલા કહી દઉં
1 min
250
મને ખોટો ધારો એ પહેલા કહી દઉં,
થોડું જો વિચારો એ પહેલા કહી દઉં.
પ્રેમ સિવાય દુનિયામાં છે કામ ઘણાં,
તમે આંસુ સારો એ પહેલા કહી દઉં.
મજધારે છો ત્યાં સુધીજ હેમખેમ છો,
મળે જો કિનારો એ પહેલા કહી દઉં.
થયો હાશકારો તમને ઘર સમો પણ,
આ તો છે 'ઉતારો' એ પહેલા કહી દઉં.
બસ એક ભૂલની જ રાહ જોવાય છે,
કરો કોઈ ઈશારો એ પહેલા કહી દઉં.
દંભ, અહમ અને નિંદા વર્જિત છે,
મારે ઘેર પધારો એ પહેલા કહી દઉં.