ફાગણિયો લહેરાયો

વસંતી વાયરા સાથે ફાગણિયો લહેરાયો, 

કેસરિયો રંગ ધરી કેસૂડો ખૂબ હરખાયો.

વન - વગડાના અંગે-અંગમાં લાગી આગ, 

ફૂલડાંએ મહેંક પ્રસરાવી ને ઋતુરાજ વધાયો.

ખીલી ઉઠ્યું આંબાવાડિયું મરવા - અંકુર જોઈ,

પાદરની વનરાજીમાં કોકિલ ટહુકો છવાયો.

સ્નેહના રંગમાં હિલોળે ચડ્યું આખું યૌવન,

બાળુડામાં પિચકારી સંગ હોળી પર્વ ઉજવાયો.

ઢમઢમ ઢબુકી ઉઠ્યા ઢોલ-નગારાના તાલ,

હરખની હેલી સાથે આખા ગામમાં ફાગ ગવાયો.

કરી દીધી વેર-ઝેર ઇર્ષ્યા ને નફરતની કતલ,

 ખજૂર ,ધાણી સંગ હર દિલમાં વસંતનો ઉમંગ ફેલાયો.