પેલો નટખટ કાનુડો જશોદાનો લાલ

તેના કાને કુંડળ રૂપાળાં,

ને બાજુબંધે મોગરાની માળા.

પેલો નટખટ...

તેના દેહે પીળાં પીતાંબર,

 ને એ તો છે વાંસળીવાળો કુંવર.

પેલો નટખટ...

તેના માથે મોરપીંછ સોહાય,

ને એ તો સોનાનાં પારણિયે ઝૂલાય.

પેલો નટખટ...

તેનો વાન છે કાળો-કાળો,

ને એ તો છેલછબીલો છોગાળો.

પેલો નટખટ...

મટકી ફોડી માખણ ખાતો,

ને એ તો વનમાં રાસ રચાવતો.

પેલો નટખટ...

ગોકુળમાં છે સૌને પ્યારો,

ને એ તો છે નંદનો દુલારો.

પેલો નટખટ...