પાવન મા તું, ભૂમિ ભારતી

  પાવન મા તું , ભૂમિ ભારતી….રમેશ પટેલ(આકાશદીપ) 

 

સૂરજ   શાખે   કરૂં   વંદના

પ્રગટ    દર્શન    શિવાલય

પાવન મા તું , ભૂમિ ભારતી

ઉન્નત મુગટ શીશ હિમાલય

 

નાદ નદીએ હરહર ગંગા

અંતરમાં ઓચ્છવ પ્રભુતા

ખેત તરૂ ને કલરવ મીઠા

આંગણ સંતોષ મહામૂલા

 

આ  સકળ  જગ  હો સુખિયા

મા   તારું    દર્શન  નિરાળું

કેમ ના  ગાઉં ગીત ત્રિરંગમાં

મા ભાગ્યયશ અમ  ત્રિકાળું

 

વેર  તણું  ઝેર  જ  આપદા

વૈશ્વમૈત્રીના   જપ  સુભાષા

ગાંધી  મારગડે  ચાલો બંધુ

સાગર કન્યા દર્શન દે આશા