પાલનહાર
પાલનહાર
સરયુને કાંઠે સુંદર નગરી અયોધ્યા,
રાજા દશરથને ત્યાં રામ જન્મ્યા,
હે રામ ! તમે તો જગના પાલનહાર !
તાડકાસુરનો કર્યા સંહાર
ઋષિમુનિઓ તણાં કર્યા ઉદ્ધાર
હે રામ ! તમે તો જગનાં પાલનહાર !
પિતાની આજ્ઞાને શિરોધાર્ય ગણી,
ચૌદ ચૌદ વર્ષ તમે વનવાસ સહ્યાં,
હે રામ ! તમે તો જગનાં પાલનહાર !
અશ્વમેધ મહાન યજ્ઞ રે કર્યો,
જીતનો રઘુવંશીનો મહિમા વધાર્યો ,
હે રામ ! તમે તો જગનાં પાલનહાર !
ક્રુર રાક્ષસ લંકા તણો માર્યો,
માતા સીતાનો ઉદ્ધાર કર્યો,
હે રામ ! તમે તો જગનાં પાલનહાર !