પાકા દોસ્તદાર
પાકા દોસ્તદાર
પશુ, પક્ષી એ તો મનુષ્યનાં પાકા દોસ્તદાર,
એ તો સહુ આપણાં પાકા રાહદાર...!
નથી એમના જેવું કોઈ વિશ્વાસપાત્ર,
સહુ આભારી છીએ એમનાં ફક્ત નામમાત્ર...!
એમનાં જેવી મિત્રતા તો મનુષ્ય પણ નથી નિભાવતો,
એ નથી કરતાં જલ્દીથી પ્રેમની પતાવટો...!
એમની વફાદારી પર ના ઊઠાવશો કોઈ આંગળી,
એ બધી બાબતમાં તો આપણી માનસિકતા પાંગળી...!
ચપટીભર સ્નેહ, પ્રેમનાં છે એ ભૂખ્યા,
એમાં આપણી જવાબદારી કાયમ ચૂક્યાં...!
એ તો છે આપણાં પાકા ભાઈબંધ,
ના પૂરશો પાંજરે કે કરશો ના એમને નજરબંધ..!