ઓલી છોકરી તને યાદ છે
ઓલી છોકરી તને યાદ છે
મોંઘી મહેલાત મૂકી મારે ફળિયે આવી છલકાતી
ઓલી છોકરી તને યાદ છે ?
કોયલડીના ટહુકા ભૂલાવતી એવી મલક મલકાતી
ઓલી છોકરી તને યાદ છે ?
મૂખડું એનું જોતા જ હૈયે આનંદની હેલી ઉભરાતી
ઓલી છોકરી તને યાદ છે ?
રમત રમતમાં ઘર ઘર રમાડી, શમણાં દેખાડી થાતી રાતી,
ઓલી છોકરી તને યાદ છે ?
મોસમનો પહેલો વરસાદ લઈ ભીંજવી સંગ એ ભીંજાતી
ઓલી છોકરી તને યાદ છે ?
વીજળીના કડાકે ડરીને એતો સોડમાં આવી કઈ લપાતી,
ઓલી છોકરી તને યાદ છે ?
આંખ્યુમાં આંજી સાગરની મસ્તી એ હસતી હસાવતી
ઓલી છોકરી તને યાદ છે ?
હસતાં હસતાં એતો રિસાઈને વાતે વાતે પલપલીયાં પાડતી,
ઓલી છોકરી તને યાદ છે ?
આજ ક્યાં શોધું એને ? આવું છું કહીને અધૂરી રમતે ભાગી'તી,
ઓલી છોકરી તને યાદ છે ?
છબી એની યાદોમાં સાચવી રાખી, હૈયે વાત એની જ ચાલી'તી.
ઓલી છોકરી તને યાદ છે ?