નવતર કેડીઓ
નવતર કેડીઓ
નજર પડતાં જ ઊંચેરા આભે જઈ ચઢતી રહું;
ક્યાંક લીલેરા ઢાળે ધરા સંગાથ મસ્તીમાં ભમતી રહું !
નીજ જોઉં હું ચાંદનીને રાત્રી પ્રહર થઈ ચૂમી રહું;
ક્યાંક આંખોમાં નવલખ તારલાઓ સજાવી ફરતી રહું !
ભીંજેલ વાયરાઓ લખલૂંટ વરસે એને જોતી રહું;
ક્યાંક તરુવરની મધ મીઠેરી સોડમ ચોમેર પ્રસરાવી રહું !
ભીતર જાગેલ થનગનતો મોરલો બની નાચી રહું;
ક્યાંક અઢળક વરસે વહાલ ત્યાં નીજાનંદને ગોતી રહું !
બંધન સંસારે હવે તોડી ચૂપચાપ પ્રયાણ કરતી રહું;
ક્યાંક નવતર કેડીઓ બનાવી જીવતર વાટે અવિરત રહું !