નૂપુર મારા

કબાટના ખૂણામાં સચવાયેલા હતા નૂપુર મારા,

જિંદગીની ભાગદોડમાં ભુલાયા હતા નૂપુર મારા,

દિવાળીની સફાઇમાં મળ્યા અચાનક નૂપુર મારા,

સરી ગઈ એ યાદમાં, થિરકતા હતા નૂપુર મારા,

સંગીત નૃત્યના તાલમાં ખનકતા હતા નૂપુર મારા,

ઢળતી ઉંમરમાં પણ પ્રિય લાગ્યા નૂપુર મારા,

સોનેરી પેટીમાં જ સચવાયેલા હતા નૂપુર મારા,

કર્યું આજ ફરી સ્વાગત તેનું ને ખનક્યા નૂપુર મારા,

હવે સંસ્મરણોમાં ખનકતા રહેશે નૂપુર મારા,

ને નવજીવનના સાથી બની રહેશે નૂપુર મારા !