નિયમ

શા માટે બનાવીએ એવા નિયમ ?

કે જેને પાળવામાં થઈ જવાય ચિતભ્રમ.

હસતા મોંએ કરો સામનો મુશ્કેલીઓનો,

ખુદને બનાવો એટલા સક્ષમ !

શૂન્યમાંથી પણ કરી શકો સર્જન,

શું છે તમારામાં એટલો દમ ?

જેવું વાવો તેવું જ લણો,

રાખો યાદ આ સાર હરદમ.

કર્મ નાં સિધ્ધાંત ને અનુસરો,

ને બનાવો યાદગાર આ જનમ.

કરીને પુરુષાર્થ બદલી શકો છો પ્રારબ્ધ,

મનને બનાવો એટલું મક્કમ.

કાલની ચિંતા છોડી જીવો આજને,

કાળની વાત તો જગન્નાથે પણ રાખી છે મોઘમ.