ચાલ રે મન આ જિદ હવે છોડી દઈએ
ચાલ રે મન આ જિદ હવે છોડી દઈએ
ચાલ રે મન આ જિદ હવે છોડી દઈએ,
એકમેકને ચકાસવાની રમત હવે મૂકી દઈએ.
ચાલ રે મન આ જિદ હવે..
તું તો ગરીબ ને હું રહ્યો તવંગર,
પૈસાના ત્રાજવે તોલાતા સંબંધોને હવે ભૂલી જઈએ.
ચાલ રે મન આ જિદ હવે..
સુખમાં ભૂલાતા ને દુઃખમાં સાંભરતા,
ભગવાન પર કરતાં આક્ષેપોમાંથી હવે સુધરી જઈએ.
ચાલ રે મન આ જિદ હવે..
પ્રેમથી જીતાય દિલ ને પ્રેમથી જ જીતાય જગ,
અવિરત ચાલી રહેલા યુદ્ધમાં હવે તો વિરામ કરીએ.
ચાલ રે મન આ જિદ હવે..
હું જ છું વિશેષ ને હું જ બનીશ મહાન,
આ "હું"ની માયાજાળમાંથી ક્યારેક તો બહાર નીકળીએ.
ચાલ રે મન આ જિદ હવે છોડી દઈએ.