મોજ છે

વૃક્ષ વાવો આ ધરા પર, તો ખરેખર મોજ છે.

સાથ આપો આ ધરા પર, તો ખરેખર મોજ છે.

હોય વનરાજી હરખતી, આ ધરા જો દીસતી,

પ્રાણ પાઓ આ ધરા પર, તો ખરેખર મોજ છે.

મોતના તાંડવ મટે ને હર્ષ હર લહેરાય છે,

તાલ સ્થાપો આ ધરા પર, તો ખરેખર મોજ છે.

જળ થકી ભરપૂર લાગે છે સરિતા દોડતી,

ધ્યાન રાખો આ ધરા પર, તો ખરેખર મોજ છે.

ભીંજવે વરસાદ હૈયા,તરબતર કરતાં ખરે,

સૌમ્ય વ્યાપો આ ધરા પર, તો ખરેખર મોજ છે.

લીલવર્ણી હોય ધરતી, મહેંકતાં લાગે ચમન,

શાન ધારો આ ધરા પર, તો ખરેખર મોજ છે.

જિંદગીનું ગીત સુંદર, લઇ ભ્રમર ગાતાં ફરે,

વ્યર્થ ત્યાગો આ ધરા પર, તો ખરેખર મોજ છે.