મને શું ફેર પડે

એકલો ચાલનાર હું તો મુસાફીર જ જુદો,

અરે ! કોઈ આપે સાથ કે સલાહ, મને શું ફેર પડે !

સપના મારા નોખા ને આદતો છે મારી નોખી,

અરે ! કોઈ આને ગણે જીદ કે જનૂન, મને શું ફેર પડે !

માણું છું મળેલી મારી હર-એક સફળતાઓને,

અરે ! કોઈ આમાં મારે તાળી કે તાના, મને શું ફેર પડે !

સિદ્ધાંત મારા છે ખાસ ને રસ્તાઓ પણ છે ખાસ,

અરે ! કોઈ એની કરે નકલ કે નકાર, મને શું ફેર પડે !

હું તો "નાના" સિતારા જેમ અહીં ચમકવાનો,

અરે ! કોઈ એને કરે ખિલતો કે ખરતો, મને શું ફેર પડે !