મને એ બહુ ગમે છે

તારું મને જોઈને શરમાવું,

મને એ બહુ ગમે છે.

શરમાઈને થઈ ગયેલાં તારા ગુલાબી ગાલ,

મને એ બહુ ગમે છે.

ગુલાબની પાંદડી જેવા તારા કોમળ હોઠનું સ્મિત,

મને એ બહુ ગમે છે.

તારા રેશમી વાળની લટનો થતો મને સ્પર્શ,

મને એ બહુ ગમે છે.

તારી આંખોની પ્રેમની ભાષા,

મને એ બહુ ગમે છે.

શરૂઆત થઈ હતી પ્રેમની, તારી અણિયાળી આંખોથી,

મને એ બહુ ગમે છે.

ને એ આંખો દ્વારા હ્રદયમાં તારા પાંગરેલો પ્રેમ,

મને એ બહુ ગમે છે.

તારું મને જોઈને શરમાવું,

મને એ બહુ ગમે છે.