મન લાગ્યું

 

 

મન લાગ્યું મારું મેળામાં,

માણીગર મણિયારા,

મારા કાળજડે કૈંક ભર્યા કોડ,

માણીગર મણિયારા..

મન લાગ્યું..

ફરશું સખીઓ સંગાથ,

લઈને હાથોમાં હાથ, (2)

ચકડોળે ચકરાવો લઈશું,

માણીગર મણિયારા...

મન લાગ્યું..

વરહ દિયે ભેળા મળશું,

વાતો મનભરીને કરશું (2)

હરખ હૈયે ઉમંગનો ભરશું

માણીગર મણિયારા....

મન લાગ્યું..

માનવ મેદની અફાટ,

અવનવી લાગી હાટ (2)

અમે જોઈશું તમારી વાટ,

માણીગર મણિયારા

મન લાગ્યું...

અમે રંગભર રમશું

ગીતો પ્રેમના રે ગાશું,(2)

મેળો જામ્યો કેવો રંગીલો,

માણિગર મણીયારા,

મન લાગ્યું...