કહું..? .. પ્રકૃતિની પાસ-પાસ
કહું..? .. પ્રકૃતિની પાસ-પાસ
1 min
6.9K
દૂર દૂર દેખાતા ડુંગરાની વાત કહું?
ક્ષિતિજે ઢળતી એ સંધ્યાને રાત કહું?
લીલાછમ ખેતરો, હરિયાળી સીમ આખી
કેડીને કંદરાઓ, કોતરોને વાટ કહું?
ફૂલોથી મધમધતાં વાસંતી વાયરા ને,
પર્ણે પર્ણે લહેરાતી હવાને પમરાટ કહું?
ધોધમાર પડતી - પછડાતી પ્રવાહે,
એ વહેતી નદીને ઝરણાંની જાત કહું?
ઊંચેરા આભ મહીં ઉડે વિહંગ સૌને,
વાદળની બદલાતી નિત-નવી ભાત કહું?