મળે ના મળે

ઉગતી ઉષાની લાલિમા 

અને આથમતી સંધ્યાના રંગે રંગી લઈએ આ જીવન,

ફરી આ ક્ષણ આ પળ મળે ના મળે,

અવની ને ધરાનું મિલન ક્ષિતિજે

રચે સુંદર અદભૂત દૃશ્યો,

ચાલ ! એને માણી લઈએ,

ફરી આ સાંજ મળે ના મળે,

ઉદય એનો અસ્ત છે,

જીવન એનું મૃત્યુ છે,

ઘટમાળ છે આ જીવનની,

મળ્યું છે જીવન તો જશ્ન મનાવી લઈએ,

ફરી આ મનુષ્ય અવતાર મળે ના મળે,

જીવન છે પરપોટા જેવું ક્ષણિક

ક્યારે ફૂટી જશે કોને ખબર !

જે નથી મળ્યું એનો અફસોસ શું કરવો ?

છે એને માણી લઈએ,

ફરી આ મોંઘેરી મૂડી મળે ના મળે,