મિત્ર – જિંદગીની મહેફીલ

મિત્ર વિના, જિંદગીના ચિત્રમાં ફિક્કાસ છે,

સંબંધોમાં મિત્રતાની અલગ જ મીઠાશ છે.

જિંદગીમાં ક્યારેક આવી પડે ચારે તરફથી આફતનું અંધારું,

આફતના અંધકાર સામે, મિત્ર બની રહે અજવાસ છે.

સમયની સાથે મિત્ર કદાચ થઈ ગયો હોય ભૌતિક રીતે દૂર,

અવાજ આપતા જ મિત્ર આસપાસ છે.

બચપન, જવાની કે પછી ભલેને હોય વૃદ્ધાવસ્થા,

ઉંમરના દરેક તબક્કે મિત્ર પાસે રાખી શકાય આશ છે.

મિત્રોના નામ માત્ર થી જ થઈ જતી હોય છે ઉદાસી કોષો દુર,

મિત્રો હોય સાથે તો મહેફીલ, ધીંગા મસ્તી અને ઉલ્લાસ છે.

મિત્રો છે એટલે તહેવાર છે કે મિત્રો જ તહેવાર છે

મિત્રો હોય જિંદગીમાં સાથે, એ દિવસો ખાસ છે