મીઠડો સ્પર્શ સ્નેહીનો કરે કમાલ
મીઠડો સ્પર્શ સ્નેહીનો કરે કમાલ
ભીતર ગુસ્સાથી સળગતી નારાજ ભલે હોય વ્હાલી,
મીઠડાં એક જ સ્પર્શથી એના હૈયે છલકે સ્નેહ સરવાણી.
બુઝાય પળમાં આગ ભીતરની ઉતરે પળમાં બધી રીસ,
મીઠડું મલકીને છલકાવે હેત, ભલે પાડતી હોય પહેલા ક્રોધમાં ચીસ.
કરે કમાલ આ સ્પર્શ મીઠડો, જાણે હિમાલયનું આ ઠંડુ પાણી,
સ્પર્શ જ સાચો ઈલાજ જાણે, ન વાપરવી પડે તાકત કે મીઠી વાણી.
હૈયાનાં સ્નેહસેતુને જોડતી સાંકળ કેવી આ પ્રભુએ બનાવી,
ભલે વસે દૂર તોય હૈયેથી મીઠા સ્પર્શનો અહેસાસ કરે વ્હાલી.
પ્રેમ થકી જ રોશન દુનિયા, આ વાત હજી કોઈને ક્યાં સમજાણી
મીઠડાં સ્પર્શના છે મોલ મોંઘેરા, છલકે હેત ઝાઝા જો મલકે હેતે વ્હાલી.
"રાજ " હૈયામાં એક અભિલાષા, ખુશીમાં છલકતી સદા વ્હાલીm
ભલે સળગે કદીક ક્રૉધથી, તો રેડશું મીઠા સ્પર્શનું ઠંડુ પાણી.