મીનીમાસી શીખે છે કમ્પ્યૂટર

મીનીમાસી શીખે છે કમ્પ્યૂટર...

સાવ ઠોઠડા રહી જવાનાં ઉંદર અને છછુંદર !

ખૂબ ઝડપથી ટાઇપ કરે છે 

હરખે મ્યાઉં-મ્યાઉં !

નથી માઉસને કહેતાં 

તને ખાઉં-ખાઉં- ખાઉં !

ખૂબ કરે છે મહેનત, છોડી પહેલાં જેવી નીંદર !

મીનીમાસી શીખે છે કમ્પ્યૂટર...

ફેસબુકમાં ફોટા મૂકે, 

 રોજ-રોજ મનગમતા !

પપ્પુભાઈની સાથે 

કેવા ગેમ હોંશથી રમતાં !

સિંહરાજથી આગળ નીકળી, લાવે પેલો નંબર !

મીનીમાસી શીખે છે કમ્પ્યૂટર.