દરિયો રીસાઈ ગયો રે
દરિયો રીસાઈ ગયો રે
1 min
9.4K
દરિયો રીસાઇ ગયો રે !
મમ્મીને કહેતો, "જા,ચડ્ડી નહીં પ્હેરું."
હબ્બ દઈ સૂરજદાદાને એ ખાઇ ગયો રે !
ઢાંગરો દરિયો રીસાઇ ગયો રે !
રેતીમાં દોડી, ગળોટિયાઓ ખાય,
ભેંકડા, ઘૂ...ઘૂ... તાણીને પછડાય.
ડબ્બ દઈ ચાંદામામાને વીંટળાઇ ગયો રે !
ઢાંગરો દરિયો રીસાઇ ગયો રે !
વાદળને પાણી નહીં આપું જરાય,
એમ કહી ઊંડાં-ઊંડાં પાતાળે જાય.
છપ્પ દઈ કોડીને શંખમાં સંતાઇ ગયો રે !
ઢાંગરો દરિયો રીસાઇ ગયો રે !