મેરુ સરીખા અડગ હોય મન શૂરાના

હે... જી. 

મેરુ સરીખા હોય મજબૂત મનડાં એના હૈયે હોય ઝાઝી હામ 

વિપત પડે ઈ ભાંગે ભીડ બીજાની પરકાજે જોખમમાં મેલે સ્વ પ્રાણ,

જો. ને .... 

ધન્ય ધરાને ધન્ય વિરલા જેના હૈયે હામને બાવડે બળ હોય અપાર 

વિનય વિવેક ઝાઝો ઈ સાચવે, બહેન દીકરીની બચાવે જે લાજ,

હે..જી... 

મજબૂત મનના માનવી અને વળી મજબૂત હોય એની વાત 

પડયાં વેણ ઝીલે સહુ એના, ઈ તો માના ઊજળાં ધાવણનો પ્રભાવ,

હે.. જી.. 

ચાખે ફ્ળ મહેનતનું સદાય જાણે અજાણે ધરતીનો આ માનવી 

વાવે તેવું જ લણે સદાય સુખ દુઃખમાં ડૂબતો આ ધરાનો માનવી,

જો..ને.... 

સફળ સાચો ઈ માનવી જેના હૈયે ન હોય લગીર પણ અહંકાર.

દીન દુખિયા ભાળી સેવા કરે, ધર્મકાર્યમાં સદાય કરે ભાવથી દાન.