મેં પ્રભુને જોયા છે !
મેં પ્રભુને જોયા છે !
મેં એવા લોકો જોયા છે, જેમની સવાર વહેલી પડે છે !
6.15 ની લોકલ પકડી VT સ્ટેશન પહોંચે છે !
9 વાગ્યાના સુમારે તે ઓફિસ દ્વારે પહોંચે છે !
રોલકોલનું બટન દબાવી જે દિવસને પાર કરે છે !
ગઇકાલનાં બાકી પેપર્સને આજે સાદર વધાવે છે !
ચા આવે તેની સમયસર, તો યે તરબતર કરે છે !
દરેક કામ, ફાઈલ ને ફોન, નિષ્ઠાથી નિભાવે છે !
ઘરમાં ભલે બેબી હો માંદી, જરૂરી ઓવરટાઈમ કરે છે !
સાંજની 7.30ની લોકલ પાછી મીસ કરે છે !
જે મળે છે તે જ પગારે, કુટુંબનું ગુજરાન કરે છે !
આમ ને આમ ભલુભાઈ, નોકરીનાં વર્ષો વિતાવે છે !
ત્યાં તો જોતજોતામાં તેમનું રિટાયરમેન્ટ આવે છે !
રિટાયરમેન્ટ વખતે વળી, તે સૌને થૅન્ક્યુ કહે છે !
અરે અદના માનવી, પ્રભુને આમ તું સાક્ષાત કરે છે !