મારી પ્રાર્થના કબૂલ થઈ ગઈ

આજે મારી ખોજની હદ પાર થઈ ગઈ

માગેલા કરતા બેહદ મળી ગયું

નીકળી હતી હું ઝરણાંની શોધમાં

પણ મને આખું સરોવર મળી ગયું,

નીકળી હતી હું મહેકતા ફૂલની શોધમાં

મને પૂરો બાગ મળી ગયો

નીકળી હતી એક બુંદની શોધમાં

મને સાગર મળી ગયો,

નીકળી હતી એક સિતારાની શોધમાં

મને પૂરું આકાશ મળી ગયું,

નીકળી હતી હું ખુશીના એક તણખલાની શોધમાં

પૂરી કાયેનાતની ખુશી મળી ગઈ,

હું નીકળી હતી શોધવા ખુદ મારી જાત ને હું ખોવાઈ ગઈ,

પણ ઈશ્વર મળી ગયા

આજે મારી ખોજની હદ પાર થઈ ગઈ

માગ્યા કરતા બેહદ મળી ગયું.