મારી માતૃભાષા સોહે

મીઠી ને મધુરી રે મારી માતૃભાષા લાગતી

વ્હાલપ થકી એ સૌના હૈયામાં ફરતી

મારી માતૃભાષા સોહે...

હૈયે રે હરખાતી, આનંદે ઉભરાતી

એ તો ઉમંગ કેરા અવસરે રે છલકાતી

મારી માતૃભાષા સોહે...

પ્રેમ ભરેલા શબ્દો થકી સૌને પોતાના કરતી

મિત્રોને પરિવાર સંગ રંગીલી મહેફિલ જમાવતી

મારી માતૃભાષા સોહે...

સહજતાથી બાળકોને શીખવી ગમતી

ઘરઘરમાં એ હરખે હરખે ઊડતી

મારી માતૃભાષા સોહે...

દાદા દાદીની સંગે રમતી, મમ્મીની હોઠે સજતી

ભાઈની એ મસ્તી હતી, આનંદે આનંદે રમતી

મારી માતૃભાષા સોહે...