મારા મહી તારું વજૂદ જડે

મળ્યો તારો પ્રેમ જીવનમાં શું ઘટે ?

તારી ઝલક જોઈ મારી પીડા મટે.

તારો સ્નેહ એજ મારો શણગાર છે,

તારા સાથ થકી મારી ઉદાસી છૂટે.

શબ્દો મારા હૈયાના જોને હોઠે આવ્યા,

મારી ગઝલમાં તારો જ ઉલ્લેખ જડે.

હતું રણ જેવું વિરાન મારું આ હૈયું,

તારા આગમને બાગના રવાડે ચડે.

મારા વિચારોમાં ઝળકે તારી આકૃતિ,

જોને મારા મહી જ તારું વજૂદ જડે.

શમણાંઓ હકીકત બની મળ્યા,

મારા હૈયે તારા પ્રેમનું મોતી જડે.

હોય જ્યારે મારાથી થોડો દૂર તું,

ત્યારે તારી યાદોના વાદળ ઉમટે.