માનવી કેમ છે આટલો મગરૂર ?

ભાગદોડ ભરી દુનિયામાં ક્યાંથી મળે કરાર !

જ્યાં આગળ થવાની હોડ ચાલે છે બેશુમાર.

સગપણ તો બસ થઈ ગયા સઘળા સ્વાર્થના,

ભરાઈ છે ક્યાં હવે?પડી હોય જો દરાર !

ફૂલો ખીલ્યાં પંખીઓ ટહુક્યા આવી બહાર,

પણ કોઈને ક્યાં છે સમય માંણે આ સવાર !

બસ પૈસા કમાવવાની હોડમાં પાગલ થયો,

ગીતો ગાતી કોયલનો ક્યાં સંભળાય છે ટહુકાર !

એતો ખુશીઓને શોધતો ફરે ધન દૌલતમાં,

એને તો ક્યાં સંભળાય છે ઝરણાનો ઝણકાર !

રાતદિવસ એની ધૂનમાં દોડયેજ જાય છે !

એતો પોતાની જાતનો ક્યાં કરે છે વિચાર !

શું મળશે અંતે બે ગજ જમીનને ?

ખબર છે તોયે કેમ માનવી છે આટલો મગરૂર ?