માણસ તું મહાન છે
માણસ તું મહાન છે
સૂર્ય પણ ઉગીને આથમી જાય છે,
આ માણસનો લોભ ક્યાં આથમે છે !
એ તો લોભ ના તળિયે દબાય છે.
માણસ તું મહાન છે.
રૂપ જોઈને સંબંધોની શરૂઆત થાય છે,
આ કદરૂપીને કોણ ઓળખે છે,
એ તો ચેહરાના મોહમાં ખોવાયેલો છે,
માણસ તું મહાન છે.
દાન કરે છે આ ખૂબ,
પણ હદયમાં પ્રસિદ્ધિની લાલસા છે,
એ તો સેવાના નામ પર પ્રસિદ્ધિને શોધે છે,
માણસ તું મહાન છે.
ઈશ્વરને પણ લાંચ આપે છે આ ઘરે લાવીને,
પણ, ઘરે પધારવા હજાર મૂર્તિઓમાં શોધે છે,
એ, ઈશ્વરને નહી પણ એની આકૃતિને નમે છે,
માણસ તું મહાન છે.
જીવનના એ અંતિમ સમયમાં પણ મોહ રાખે છે,
મન અને કાયાને બાંધીને જ રાખે છે,
મૃત્યુ વેળાએ પણ આ તો મોહ,
રૂપ અને પ્રસિદ્ધિનું સ્મરણ કરે છે,
માણસ તું ખરેખર મહાન છે.