માહોલ સજાવી દો

વરસાદી માહોલમાં આ દિલનાં જખ્મો ભરી દો,

મધુર યાદોથી તડપતા મનડાંને ઝગમગતું કરી દો,

જાગી છે અભિલાષાઓ આ મદમસ્ત માહોલમાં,

વિરહની વેદના દૂર કરવા મેઘધનુષી રંગ ભરી દો,

પ્રણયમંદિરે અમારા કમી વર્તાય છે આજ તમારી,

અણધાર્યુ આગમન કરી આ માહોલ સજાવી દો,

મેઘબૂંદી મલ્હારો જેમ તરબતર કરે તરસી ધરાને,

આશ્લેષમાં લઈ મુજને મિલન મદમસ્ત કરી દો,

વસુંધરાને તરબોળ કરે આજ ધોધમાર મેહુલિયો,

અનહદ પ્રેમ વરસાવી વિયોગની દાઝને બુઝાવી દો.