મા-ભગવાન
મા-ભગવાન
માના હાથમાં ન જાણે શું છે કરામત ?
સંતોષ નહીં, હોય ભલે હોટેલની જયાફત,
માની લોરીમાં છે એ અદભૂત સંગીત,
નિંદ્રામાં પોઢે બાળ હોય ભલે ભયભીત,
ટેકા વગર પણ ઊભું છે આ આકાશ,
એને ઝીલનારાની હજુ છે તલાશ ?
તરુવરની ટોચે પહોંચાડે જે જળ,
ફરતી હવાને ય રાખે એ નિર્મળ,
કીડીને કણ, ને દે છે હાથીને મણ,
હરિ ક્યાં છે ? તોય પૂછે જનગણ !
બાળકો મોકલતો એ નિર્દોષ હાસ્ય કરતાં,
માનવીઓ એ કરામત પર પાણી ફેરવતાં,
કર્મોનો હિસાબ ક્યારેય હોય નહીં ખોટો,
આ તો રામના સરવાળા એમાં ક્યાંય નહીં તોટો,
સૂર્ય, ચંદ્ર ને મોટા દરિયા પણ કીધા,
નદીઓ, ઝરણાં ને સરોવર પણ દીધા,
દંગ રહી જાતી દુનિયા આ સારી,
જોઈ કરામત આ ઈશ્વરની પ્યારી,
છે મા અહીં ભગવાન ને ભગવાન પણ મા છે,
જીવનમાં, અગવડમાં તે જ કરે કરામત.