હૈયાનો ઝરૂખો

બારી એ વિશ્વ બહારનું દેખાડતી,

ને ઝરૂખો યાદ અપાવે ભીતરની,

વર્તમાન સોહામણો બારીમાં,

ભૂતકાળ પણ સળવળે ઝરૂખે,

સ્મરણોનો ખજાનો ને ખુશીઓનો વૈભવ છે,

ઝરૂખો અમારો આ યાદોનો કલરવ છે,

નરી આંખે જોવા દરવાજા પૂરતા છે,

મનની આંખોને ઝરૂખે જોવાના કોડ છે,

શબ્દે, હૈયે ને આ શ્વાસે-શ્વાસે છે પ્રીતમ,

કેવળ નથી એક મારે આ ઝરૂખે પ્રીતમ,

પામવાના કોડ નથી દર્શની અભિલાષા છે,

આંગણે ના આવે તો પાંપણે પણ આશા છે.