લે જરા વિરામ
લે જરા વિરામ
કઈ રીતે મનાવું કલમને લે જરા વિરામ,
હજુ તો રાત પૂરી બાકી, લે જરા વિરામ !
કુદરત તો છે અખૂટ ખજાનાથી ભરપૂર,
સર્વ પર તું નિરાંતે લખજે, લે જરા વિરામ !
કઈ રીતે મનાવું કલમને લે જરા વિરામ...
તું તો રાત દિ' લખ્યાં કરે એવી છે જોરાવર,
પણ મારાંમાં ક્યાં એવું જોર ! લે જરા વિરામ !
કઈ રીતે મનાવું કલમને લે જરા વિરામ.......
કલમ તું તો કદી ન કલમા પઢે કે ન વેદપાઠ
પણ મારે કરવા કામ તમામ, લે જરા વિરામ !
કઈ રીતે મનાવું કલમને લે જરા વિરામ.......
કરી જ્યારે મુક્ત મને સ્તુતિ વંદના કલમદેવીની,
ને કાન્તાસુતને કહ્યું, હું ને તું બેઉ કરીએ વિરામ !
કઈ રીતે મનાવું કલમને લે જરા વિરામ,
હજુ તો રાત પૂરી બાકી, લે જરા વિરામ !