લાશ જોઈએ

જીવન જીવવા બસ આશ જોઈએ,

મિત્ર નામે છે મને એ પ્યાસ જોઈએ,

ભીતરમાં ભાઈબંધનો વાસ જોઈએ,

હોય સાથે તો અંતરમાં હાશ જોઈએ,

છેલ્લી ઘડીએ પણ સાથ એ છોડે નહિ,

શ્વાસ જેવો મિત્ર મને ખાસ જોઈએ,

અધવચ્ચે નૈયા ડૂબાવે, ભલા એથી દૂર,

કિનારા સુધી સાથ દે, એ હાથ જોઈએ,

દૂધ સમો હોય, ભીતર છતાં દેખાય નહિ,

વલોવું તો માખણ સહિત છાશ જોઈએ,

ગઝલ સાવ કંઈ એમ જ બની જાય નહીં,

શબ્દોની સાથે-સાથે ઉત્તમ પ્રાસ જોઈએ,

એની વિનાનું જીવન વીત્યું છે વ્યર્થ 'યાદ',

અંતિમ ઈચ્છા છે સપનાંની લાશ જોઈએ.