લાખો લાખો વંદન એ ઈશ્વરને જેણે

મને પ્યારું લાગે આ ચમનમાં ભમરાનું ગુંજન,

કેવું સૌમ્ય કેવું અદભુત છે બંનેનું આલિંગન !

વરસાદી માહોલમાં કેવું આકર્ષણ છે પ્રિયેનું,

જોને મારું મન લલચાવે તેના ગાલોનું ખંજન.

બાગે ફૂલ અને ભ્રમર કરે આપસમાં ગુફ્તગુ,

કેવો પ્રેમ કરેછે એકબીજાને તોડી બધા બંધન !

એક તો વરસાદી બુંદોનું સંગીત મોહિત કરે,

મળવાને મજબૂર કરે મને આ ગોરીના કંગન.

ધરતી એ કર્યો સોળે શણગાર, બની દુલ્હન,

જોઈ પ્રિયતમને હૈયે ઉઠે જાણે કંપન !

મોહિત કરે પ્રિયતમનો ચહેરો, અને આ ધરતી,

સર્જ્યા જે પરમાત્મા એ, એને કરું લાખો વંદન.

લાખો લાખો ઉપકાર છે મારા પર ઈશ્વરના,

જેણે બનાવ્યું સુંદર મારા જીવનનું ઉપવન.