લાગણિત

ભલે વ્યવહારિક ગણિતમાં હું કાચો જ રહ્યો, 

પણ લાગણીના ગણિતમાં હું સાચો જ રહ્યો,

પ્રેમભાવનો સદા હું સરવાળો કરતો રહ્યો,

અને નફરતની સદા બાદબાકી કરતો રહ્યો, 

સુખના ગુણાકાર કરતા માંડ શિખી શક્યો,

ત્યાં પરિસ્થિતિથકી ભાગાકાર શીખી ગયો,

ક્રોધ પર હંમેશા ચોકડી જ મુકતો ગયો,

સુખનો ગુણાકાર આપમેળે થતો ગયો, 

લાગણીનો ગુણાકાર બાજી હારતો રહ્યો,

ચાલાકીનો ભાગાકાર બાજી મારતો રહ્યો,

જ્યારે શેષફળ ગણવાના પ્રયત્નો કર્યો,

ત્યારે હકિકત સમજાણી, 'સરવાળે મીંડુ'