લાગણી
લાગણી
શુદ્ધ ભેળસેળ રહિત છે તારાં માટેની લાગણી,
રાખી લે હૃદયમાં તારાં, ના કર તું એની કાપણી,
તું કહે તો આપી દઉં મારુ આખુંય જીવન તને,
કરવી હોય તો કર ને હવે કંઈક એવી તું માંગણી,
આખું પુસ્તક વાંચ્યું નહીં તે, ફેરવી ખાલી નજર,
કરી કરીને અધૂરી કરી છે તે સંબંધની આકારણી,
ચોમાસે કદી ભીંજાયું નહીં ને શિયાળે તાપ રહ્યો,
બસ આટલી જ રહી છે મારી મોસમની સારણી,
તે કરેલો મળવાનો વાયદો જરા પણ ભૂલ્યો નથી,
હું રાહમાં બેઠો છું ત્યાં જ હજુ બાંધીને છાવણી !