લાગે છે આપ કોઈ બાહોશ હકીમ છો

તમારા આગમને થયો જીવનમાં ઉજાસ,

લાગે છે આપ કોઈ જાદુઈ ચિરાગ છો !

જડ પણ ચેતન બની ગયું આપના આગમને,

લાગે છે આપ કોઈ દિવ્ય પ્રેરણા છો !

પાનખરમાં પણ ખીલી ગયો આંખો ચમન,

લાગે છે આપ કોઈ જાદુઈ વસંત છો !

કાળી ડીબાંગ રાત્રીમાં આવી ગયો ઉજાસ,

લાગે છે આપ કોઈ ચંદ્રની શીતળ ચાંદની છો !

વ્યાકુળ થયેલા મારા મનને મળી શીતળતા,

લાગે છે આપ કોઈ વરસતી વાદળી છો !

તમારી એક ઝલક જોઈ ભાગી મારી માંદગી,

લાગે છે આપ કોઈ બાહોશ હકીમ છો !

આત્મનો અંધકાર દૂર થયો તારા આગમને,

લાગે છે આપ ખુદાના રૂપમાં મળેલ મિત્ર છો.