કરી લેને બુચ્ચા

મારી સાથે ન કરને કીટ્ટા;

આપણે તો છીએ પાક્કા મિત્ર-સખા,

ચાલ હવે કરી લેને બુચ્ચા.

તારી મારી મિત્રતા છે પ્રચલિત;

તો કેમ ? મને જોઈ થઈ જા, છો વિચલિત,

ચાલ હવે કરી લેને બુચ્ચા.

ઓ મિત્ર...ચહેરા શોભે સદા સ્મિત;

મને બનાવને,તારા હૃદયનો મનમીત,

ચાલ હવે કરી લેને બુચ્ચા.

તારો-મારો સંબંધ છે,બાળપણથી અનોખો;

તો કેમ ? કરે છો મારા ગુસ્સો,

ચાલ હવે કરી લેને બુચ્ચા.

ઓ...મિત્ર એટલું બધુ મોં ન મચકોડ;

હસવા માટે દિવસની ક્યાં છે ખોટ,

ચાલ હવે કરી લેને બુચ્ચા.

દરેક સંબંધ શોભે હસીને;

જોઈ મને, કેમ ચાલ્યો જા છો ખસીને ?

ચાલ હવે કરી લેને બુચ્ચા.

ઓ મિત્ર, 'ધરા' પર ચલણ છે હસવાનો;

મને એક મોકો આપ ભૂલ સૂધારવાનો,

ચાલ હવે કરી લેને બુચ્ચા.